गुगलले अब बोलि पनि ट्रान्सलेट गर्ने
गुगलको भाषिक अनुवाद सेवा गुगल ट्रान्सलेटबाट अब बोलेका कुरालाई समेत आफुले चाहेको भाषामा अनुवाद गर्न सकिने भएको छ ।गुगलले आफ्नो ट्रान्सलेट एपमा यस्तो भाष्य अनुवाद फिचर आधिकारिक रुपमा सार्वजनिक गरेको ब्लग पोष्टमा जनाएको छ ।
आइओएस तथा एन्ड्रोइड दुबै प्रयोगकर्ताले अब कुनै कुरा बोलेर त्यसको लिखित अनुवाद गुगल ट्रान्सलेट मार्फत प्राप्त गर्न सक्नेछन् ।
लिखित अनुवाद उपलब्ध गराउँदै आएका ९० वटा भाषामा मात्र यस्तो बोलीको अनुवाद सेवा उपलब्ध हुनेछ ।
गुगल ट्रान्सलेटका प्रडक्ट प्रमुख बाराक टरोभ्स्कीले स्थानीय भाषा बुझ्ने कुरा कुनै ठाउँ भ्रमण गर्दाको सबैभन्दा कठीन काम रहेको भन्दै अब गुगल ट्रान्सलेट नयाँ पथप्रदर्शक बन्ने दाबी गरेका छन् ।
कसरी गर्ने बोली अनुवाद ?
· होम स्क्रिन ट्याबमा माइक्रोफोन बटनलाई ट्याप गर्नुहोस्
· त्यसपछि स्पिक नाओ भन्ने संकेत आएपछि आफुले चाहेको कुरा बोल्नुहोस्
· जब तपाइँले बोल्न बन्द गर्नुहुन्छ तब स्पिच रिकग्निसन सर्भिसको माध्यमबाट गुगल एपले तपाइँले बोलेको भाषा पहिचान गर्नेछ र तपाइँले छानेको भाषामा लिखित रुपमा अनुवाद गर्नेछ ।
· होम स्क्रिन ट्याबमा माइक्रोफोन बटनलाई ट्याप गर्नुहोस्
· त्यसपछि स्पिक नाओ भन्ने संकेत आएपछि आफुले चाहेको कुरा बोल्नुहोस्
· जब तपाइँले बोल्न बन्द गर्नुहुन्छ तब स्पिच रिकग्निसन सर्भिसको माध्यमबाट गुगल एपले तपाइँले बोलेको भाषा पहिचान गर्नेछ र तपाइँले छानेको भाषामा लिखित रुपमा अनुवाद गर्नेछ ।
गुगलले आफ्नो ट्रान्सलेट एपको वर्ड लेन्स टुललाई समेत परिमार्जन गरेको छ ।
वर्ड लेन्स टुल यस्तो फिचर हो जसको माध्यमबाट कुनै पनि लिखित कुराको तस्वीर खिचेर त्यसलाई समेत विभिन्न ३६ भाषामा अनुवाद गर्न सकिन्छ ।अब प्रयोगकर्ताले मोबाइलमा इन्टरनेट बिनै यो एपमा गएर कुनैपनि टेक्स्टमा मोबाइलको क्यामेरा फोकस गरेसँगै स्क्रिनमा तत्कालै उक्त टेक्स्टको अनुवाद गरिएको टेक्स्ट प्राप्त गर्न सक्छन् । यद्यपि यो सेवा तत्कालका लागि अंग्रेजी, फ्रेन्च, जर्मन, इटालियन, पोर्चिगिज, रसियन र स्पेनिस भाषामा मात्र उपलब्ध छ । अन्य भाषामा समेत यो द्रुत अनुवाद सेवा उपलब्ध गराउने गुगलले जनाएको छ ।
गुगलका अनुसार हरेक महिना ५० करोड मानिसले गुगल ट्रान्सलेट प्रयोग गर्छन् र गुगल ट्रान्सलेटमा एक दिनमा १ अर्ब पटक अनुवाद गरिन्छ ।
गुगल ट्रान्सलेटमा गरिएको पछिल्लो अपडेटले फोनलाई विश्वव्यापी अनुवादक बनाउने र सूचना पत्ता लगाउने वा एक अर्कासँग सम्पर्क स्थापित गराउने काममा भाषाको अड्चन हटाउने दिशातर्फ नजिग पुराएको दाबी गुगलको रहेको छ । गुगलले आफ्नो नयाँ बोली अनुवाद सेवाको बारेमा गुणगान गर्नका लागि रोचक भिडियो समेत तयार पारेको छ ।
माइक्रोसफ्टको भिडियो च्याट सेवा स्काइपीले आफ्नो लाइभ ट्रान्सलेसन टुलको बेटा भर्सन गत महिना सार्वजनिक गरेको थियो । जसले बोलेका कुरालाई तत्कालै लेख्य वा कथ्य रुपमा अनुवाद गरिदिन्छ ।
स्काइपीको यो कथ्य अनुवाद तत्कालका लागि अंग्रेजी र स्पेनिस भाषामा मात्र उपलब्ध भएपनि छिटै ४० भाषामा उपलब्ध हुने बताइएको छ ।
No Comment to " गुगलले अब बोलि पनि ट्रान्सलेट गर्ने "